Zonas de Recreo en Muxía

Miradoiro de Monte Castro

Situado na parroquía de Moraime, lugar de Xanzón, ubicado no cumio do Monte do Castro. De contorna marítimo-forestal.

Dende este miradoiro contémplase boa parte do municipio de Muxía, a ría de Camariñas e as puntas de Cachelmo e Buitra.

Hai aquí restos dos muros defensivos dun castro, de forma ovalada. Na tradición popular consérvanse referencias lexendarias deste castro.

· O acceso dende Muxía: tómase a estrada en dirección a Negreira, ao pasar o río Moraime xírase á dereita. No lugar de Agreiras volvemos a xirar á dereita ata o núcleo de Castelos. Aquí hai un camiño que conduce ao Monte do Castro.