Que é?

Presentación do Plan de Dinamización Turística

Os obxectivos principais do Plan de Dinamización Turística da Costa da Morte son a posta en valor e uso turístico dos recursos da zona, sobre todo de tipo cultural e natural, e a creación de novos produtos a partir dos recursos existentes. Así mesmo, plantéxase o deseño de políticas e estratexias de produto, prezo, promoción e comercialización, ao tempo que se realizarán actuacións para a mellora do medio ambiente. Por último, o Plan permitirá o fortalecemento e integración da oferta e da estrutura empresarial mediante a posta en valor de proxectos nos que a participación empresarial axude á creación do seu propio tecido asociativo.

O Plan prevé a elaboración dun Plan de Calidade para que os establecementos de hostalería, restauración, comercio, servizos públicos e outros sectores poidan ofrecer os mellores servizos aos turistas que visitan a zona. Tamén se contempla a instalación de paneis indicativos de acceso en cada un dos municipios, e o deseño de rutas de sendeirismo e cicloturismo pola zona.

Estas e outras moitas accións farán do PDT da Costa da Morte unha acción conxunta da administración e o sector privado, que creará unha imaxe de marca do noso destino turístico e deixará tras de si acción en canto a rehabilitación de espazos para ser usados polos turistas que de seguro marcarán o futuro do turismo na Costa da Morte.



http://www.turismocostadamorte.com
info@turismocostadamorte.com